Откако пред извесно време беше урнат угостителскиот објект „Дежа ву“ што со години работеше на локација пред самиот влез во „Рамстор мол“, сега на негово место се послани зелени парчиња теписон, веројатно за визуелно да „глумат“ трева, додека не му се најде некоја посоодветна намена и не се доуреди просторот.

Од трговскиот центар на прашањето од „Слободен печат“ зошто се урива објектот, тогаш кусо одговорија дека станува збор за „интерно преуредување и унапредување на имотот на „Рамстор мол“, без да прецизираат што ќе има во иднина на оваа локација.

ФОТО | По три недели уривање, речиси целосно е отстранет локалот пред „Рамстор мол“

Но, она што сега може да се види најмалку личи на преуредување и унапредување на просторот и колку и да е привремено решение, зелените теписони на просторот заграден со ленти, изгледаат безмалку смешно.

Скопјани кои ги затекнавме на оваа локација дури се пошегуваа – Ако не знаете каде да одите на излет за претстојните празници, па и за 1-ви Мај, можете на „тревата“ пред „Рамстор“ !