Македонската А репрезентација се подготвува за утрешниот полуфинален плеј-оф натпревар на гости против Италија во рамките од баражот за пласман на Светското првенство во Катар 2022.

Селекторот на нашите најдобри фудбалери, Благоја Милевски е свесен за тешката задача што ќе ја има во Палермо, но им порача на неговите фудбалери да уживаат во дуелот со актуелниот европски шампион.

Македонските репрезентативци го имаа официјалниот тренинг, го почувствуваа теренот на стадионот „Ренцо Барбера“ каде што ќе се игра мечот в четврток со почеток од 20.45 часот.

Победникот од овој дуел во финалето на 29 март ќе игра против Португалија или Турција.

Потсетување дека за дуелот со Италија, Милевски повика вкупно 27 фудбалери: Димитриевски, Шишковски, Наумовски, С. Ристовски, Велковски, Муслиу, Ристевски, Алиоски, Тодоровски, Ашковски, Серафимов, Адеми, Барди, Спировски, Атанасов, Ракип, Николов, Да. Бабунски, М. Ристовски, Миовски, Чурлинов, Трајковски, Етеми, До. Бабунски. Елмас и Костадинов поради жолти картони немаат право на настап, но ќе може да играат во евентуалното финале. Јаховиќ е повреден и на негово место дојде Даци.