Годинава што измина беше предизвикувачка за сите што ја сведочевме и живеевме. Полека завршува и ни остава спомени од луѓето кои нè напуштија – големи луѓе од светот на филмот, музиката, театарот… И оставија неизбришлива трага и спомен. Важно е да ги запаметиме луѓето кои веќе ги нема и да им оддадеме последна почит – со сеќавање низ фотографии и зборови.

Во Македонија, кажавме последно збогум на неколку имиња кои заминаа во вечноста, но нивната работа, лик и дело ќе останат засекогаш дел од нашата колективна свест и заслужено ќе бидат запаметени.

Во 2021 година Македонија се прости од Сабина Ајрула Тозија, позната актерка во македонскиот драмски театар која почина во август, фолк-пејачот Васил Атанасов замина во октомври, младиот актер Славиша Кајевски нè напушти во декември, великанот Зафир Хаџиманов, пејач, композитор, актер и поет почина во март, актерот Луран Ахмети почина во март, Љупчо Тодоровски Упа, еден од повпечатливите актери кај нас замина во јануари…

И Балканот се прости од големи имиња кои со своето постоење и творење оставија неизбришлива трага, но нивната работа и големи дела што ги оставија зад себе, нема никогаш да бидат заборавени.

Во 2021 година починаа големи имиња од светот на музиката, меѓу кои Маринко Роквиќ, пејачот на севдалинки и миленик на една генерација, фолк-пејачот Џеј Рамадановски, панонскиот морнар и музичар-симбол на поранешните ју-републики Ѓорѓе Балашевиќ,  Иван Тасовац – директорот на Белградската филхармонија и поранешен министер за култура, фолк-пејачката Мерима Његомир, текстописецот Марина Туцаковиќ, омилена меѓу естрадата во регионот…

Нека им е светол патот и вечна им слава.