ФОТО | Љубовниот дневник на Амбер Херд и Џони Деп претставен пред судот: Жал ми е што те повредив
Продолжува судењето кое се одвива пред очите на светската јавност. На суд вчера беа откриени записи од „љубовниот дневник“ на Амбер Херд и Џони Деп.
Деп ја тужи својата поранешна сопруга Херд за клевета и бара 50 милиони долари за наводите за злоставување што ги објавила во напис на „The Washington Post“ во 2018 година, иако не го навела името на актерот.
Пред судот беа покажани љубовни пораки кои Херд му ги пишувала на поранешниот сопруг во нивниот заеднички љубовен дневник, во кои си пишувале.
„Вистинската љубов не е само лудоста на страста или изборот на мир. Тоа е да ги имаш и двете. Во тебе видов вистинско пријателство и почит, но сè уште сакам повеќе од кога било да те искинам, изедам и да уживам во вкусот“, стои во записот во дневникот што го напишала Херд на 22 мај 2015 година.
„Едвај чекав да ти кажам колку те обожавам. Не можев да замислам поубав меден месец“, напишала актерката во белешката од 1 август 2015 година.
На 17 август 2015 година, пак, Амбер напишала: „Жал ми е што толку силно го треснав воланот. По ѓаволите, те сакам Џони, засекогаш сум врзана за тебе“.
„Дозволи ми да се обидам да го поправам ова. Ти го заслужуваш тоа. Ми требаш… Ти си мојот камен-темелник, моето срце, моето сè. Мразам кога се караме. Те сакам повеќе од сè. Ми требаш, те сакам“, напишала меѓу другото Амбер.
Во белешката од 8 април 2016 година, Херд напишала: „Жал ми е што можам да полудам. Жал ми е што те повредив. И јас можам да станам злобна кога сум повредена, исто како и ти“.
Херд пред судот изјави дека „дневникот бил повеќе љубовна тетратка и дел од комуникацијата“.
„За мене беше важно да се обидам да негувам што е можно повеќе мир“, заклучи таа.
Повеќе написи на темата:
Амбер Херд лажела дека парите од разводот ги донирала во детска болница
Верувајте им на сите жени, освен на Амбер Херд! Познатиот актер згрозен од поранешната на Џони Деп
Џони Деп или Амбер Херд: На чија страна се познатите личности
ФОТО+ВИДЕО | Херд се „скрши“: Џони Деп ме силуваше со шише и ги извалка ѕидовите со крв
ВИДЕО | Твитерџиите ја „сотреа“: Амбер нема свои зборови, користи филмски реплики на сведочењето
ФОТО | Амбер Херд на суд покажа вознемирувачки фотографии од Џони Деп, пијан и дрогиран
ВИДЕО | Медицинска сестра тврди: Амбер Херд се дрогираше додека беше во брак со Џони Деп