Довчерашниот вицепремиер задолжен за добро владеење, Арбен Фетаи, кој со месеци не одеше на владини седници, а земаше плата, ќе биде испратен во Брисел како специјален владин претставник, најави денеска копретседателот на Вреди и градоначалник на Чаир, Изет Меџити.

Фетаи пред неколку дена поднесе оставка на вицепремиерската функција, откако повеќе од два месеца не доаѓаше на владините седници, а во меѓувреме објавуваше слики од патување во Тајланд.

„Фетаи даде оставка за да биде назначен за специјален претставник во Брисел, односно да заземе нова функција“, рече Меџити, одговарајќи на новинарски прашања.

Во оставката до премиерот, Фетаи изрази благодарност за укажаната доверба да ја врши функцијата вицепремиер за добро владеење, но додаде дека во сегашните околности „веќе не постојат неопходните услови за функцијата да ја извршува со потребната ефикасност“, не објаснувајќи што значи тоа. Тој додаде дека заминува „со крената глава и чиста совест“.

Вицепремиерот Фетаи не остави ни своја слика во кабинетот — недозволено владеење на одговорниот за добро владеење