Македонскиот голман Столе Димитриевски денеска ја продолжи соработката со Валенсија до 2028 година, нешто што беше и очекувано по одличниот финиш на сезоната на голот на шпанскиот гигант.

Димитриевски даде и интервју за клупскиот сајт на шпанскиот тим во кое меѓу другото и ја избра за него најдобрата одбрана.

„Одбраната против Атлетик беше навистина добра, но морам да признаам дека најдобра беше онаа против Жирона. Ја гледав повеќепати и навистина беше неверојатна. Исто така, многу ми се допадна и интервенцијата на гостувањето кај Реал Сосиедад. Токму такви ситуации ги вежбаме секој ден.“

Сезоната во Валенсија, Димитриевски ја почна како втор голман, меѓутоа по повредата на Јулен Агирезабала го презема местото меѓу стативата и ја оправда довербата.

Димитриевски: Уживам да ги бранам боите на Валенсија, ова е еден од најголемите клубови во Шпанија

ВИДЕО | Петте најдобри одбрани на Димитриевски оваа сезона – затоа Валенсија сака да го задржи