ФОТО | Лејди Гага во елегантно издание на БАФТА: Холивудската дива ги засени сите
На синоќешното доделување на наградите БАФТА, Лејди Гага ја донесе елеганцијата и гламурот на Холивуд од 1940-тите и прошета во Лондон во смарагдно зелен фустан.
Гага, која беше номинирана за најдобра главна женска улога за улогата на Патриција Реџиани во драмата на Ридли Скот „House of Gucci“, ги засени сите на црвениот тепих со рачно изработениот, смарагдно зелен фустан од колекцијата на Ралф Лорен.
ГАЛЕРИЈА | Доделени филмските награди BAFTA: „The Power of Dog“ е најдобар филм на годината
Рачна изработка за која биле потребни повеќе од 150 часа
Пејачката, кантавторка и филмска ѕвезда добитничка на Греми потсеќаше на нејзините претходни изданија. Овојпат Гага ултра елегантниот фустан со длабоко деколте го надополни со минимална фризура и шминка.
Носеше накит на „Tiffany & Co.“, вклучувајќи ѓердан со дијаманти и смарагд, како и пар соодветни обетки, нараквица и прстен од колекцијата „Tiffany Blue Book 2022“.
Оваа сезона пејачката и актерка неколку пати беше номинирана за нејзината работа на филмот „House of Gucci“, меѓу кои и Златен глобус и наградата на Здружението на филмски актери.
За време на доделувањето на SAG наградите, одржани минатиот месец, Гага зборуваше за тоа како е да се толкува поранешната сопруга на Маурицио Гучи, Патриција, која беше осудена за ангажирање на платен убиец за да го убие.