ФОТО | Ким Кардашијан не беше на Оскарите, ама на забавата се погрижи да ја видат сите
Ким Кардашијан можеби не беше поканета на Оскарите, но затоа изгледаше холивудски на традиционалната забава која секоја година ја организира „Vanity Fair“ по официјалната цеременонија.
Кардашијан се појави во светло сина тоалета на „Баленсијага“ со долг, драматичен тул, вградени ракавици и отворен грб со црни високи потпетици.
View this post on Instagram
41-годишната ѕвезда носеше и сребрени очила за сонце кои изгледаат футуристички, а во исто време и ретро. Покрај минималната шминка и измаснета фризура во репче, на Ким блескаа и огромни дијамантски обетки од Лорејн Шварц.
Некои критичари на социјалните мрежи не беа воодушевени од модниот избор на ѕвездата која решила уште еднаш да си ја „проба“ среќата со монохроматски изглед на „Баленсијага“.
„Станува здодевно“, коментираше еден корисник. „Барем овојпат е во боја“, напиша друг.
View this post on Instagram
Ким не беше единствениот член од нејзиното познато семејство што за забавата одлучила да носи очила за сонце, навечер. Нејзината полусестра Кендал Џенер на сличен начин го дополни својот „Баленсијага“ изглед со очила.
Новото шоу на семејството Кардашијан, ќе биде премиерно прикажано на 14 април на „Хулу“ и сигурно ќе донесе дополнителна драма во етерот која се чини дека уживаат сите.