Во Лондон синоќа се одржа гламурозната церемонија на доделување на наградите на Британската академија за филмска и телевизиска уметност (БАФТА), на која, покрај многуте холивудски и британски актерски ѕвезди, присуствуваше и принцот Вилијам, кој е претседател на Британската филмска академија, и неговата сопруга, принцезата Кејт Мидлтон.

Кејт Мидлтон пристигна на доделувањето на наградите БАФТА, а сите погледи, со добра причина, беа вперени во неа. Зачекорувајќи на црвениот тепих во лелеав бел фустан, придружувана од нејзиниот принц Вилијам, Кејт беше олицетворение на вистинска модерна принцеза.

Кејт, која не се воздржува од модното рециклирање и секогаш се залага за одржливост, носеше веќе виден бел фустан од Александар Меквин и го комбинираше со обетки од „Зара“ од 20 евра и гламурозни црни оперски ракавици. Совршенство на елеганција и минимализам.

Насмеаната и добро расположена Кејт Мидлтон го канализираше гламурот на стариот Холивуд облечена во оваа прекрасна асиметрична бела тоалета на Александар Меквин која првпат ја облече на доделувањето на наградите БАФТА во 2019 година. Многумина се согласија дека изгледала како вистинска холивудска ѕвезда.

Гламурозното доаѓање на принцот Вилијам и принцезата Кејт, кои се вратија на црвениот тепих на БАФТА за првпат од пред пандемијата, ги воодушеви обожавателите на кралското семејство. Белиот фустан со едно рамо претрпел мали промени, а цветните детали на рамото беа заменети со широк, плисиран материјал кој беше оставен романтично да паѓа.

Во класичен стил на Кејт, фустанот беше закопчан на половината, прелевајќи се во лелеаво и елегантно здолниште со набори.

БАФТА 2023: „All Quiet on the Western Front“ со апсолутна победа на британските филмски награди