Македонската поп-принцеза Каролина Гочева ја најави својата новогодишна музичка емисија која ќе се емитува на 31 декември, со почеток од 21 часот, на Македонската радио-телевизија.

Нејзини гости ќе бидат музичките ѕвезди Елена Ристеска, Лара Иванова, Влатко Лозаноски, Бранислав Николов (Пијан славеј) и актерите од телевизиската серија „Тин камп“.

„Драги мои, многу се радувам што можам да ви кажам дека оваа година сакав да прославам заедно со сите вас и поради тоа, на Нова Година ќе пеам само на МРТ1!

На 31 декември, со почеток од 21 часот, ќе имам свое 90-минутно шоу на кое како специјални гости ќе се појават и моите драги колеги и пријатели Елена Ристеска, Лара Иванова, Влатко Лозаноски, Бранислав Николов (Пијан славеј) и ѕвездите од телевизиската серија „Тин камп“.

Се гледаме на 31 декември на МРТ1“, напиша Каролина на својата официјална фејсбук-страница.

Па, да ја дочекаме новата 2023 година со квалитетна македонска музика!

Една дама и двајца џентлмени: Каролина, Дуке и Исмаил ни ги наполнија срцата со убавина