Една дама и двајца џентлмени: Каролина, Дуке и Исмаил ни ги наполнија срцата со убавина
Дамата со непроценлив вокал Каролина Гочева, еден од најплодните музичари од овие простори Дуке Бојаџиев со огромен, фантастичен музички багаж, нашиот и светски виртуоз на кларинет Исмаил Лумановски ни подарија вечери исполнети со емоции, љубов, спомени, носталгија…
Впрочем, тоа го докажува и фактот што сите пет концерти „Песни за љубов и копнеж“ што се одржаа во Македонска Филхармонија во петокот, саботата и во неделата беа распродадени во рекордно време.
Македонската публика имаше навистина ретка можност во живо да слушне песни кои имаат есенцијална вредност.
View this post on Instagram
Албумот „Песни за љубов и копнеж“ е сочинет од 11 од најубавите, подзаборавени македонски композиции од втората половина на 20-от век – златната ера на македонската забавна музика, потпишани од некои од некои нашите најмаркантни автори: Драган Ѓаконовски Шпато, Димитар Масевски, Тодор Бојаџиев, Љубомир Бранѓолица…
View this post on Instagram
Инаку, проектот „Песни за љубов и копнеж“, ова фантастично трио го подготвуваа две години и конечно им го подарија на публиката жедна за добра музика, за музички времеплов.
Концертите се во организација на „Авалон продукција“.
Фотографија: Стефан Рајхл
