Иванка Трамп на својот инстаграм-профил покажа фотографии и видеа од предсвадбената прослава на синот на најбогатиот Индиец, Анант Амбани и неговата избраничка Радика Мерчант.

Таа за оваа церемонија отпатува во Индија со нејзиниот сопруг Џаред Кушнер и нивната ќерка. Прославите беа раскошни, пречекувајќи ги гостите на тридневно искуство организирано во текот на викендот.

„На Анант и Радика им посакувам бескрајна среќа и љубов додека заедно се впуштаат во оваа прекрасна авантура“, напиша Иванка на Инстаграм.

Познатата ќерка на поранешниот претседател на Америка, се појави во раскошни традиционални фустани во сребрена, жолта и бела боја кои ги надополни со луксузен и скап накит.

Инаку, на прославата пееше Ријана, за чиј настап наводно добила 5 милиони евра. Заедно неа, на прославата настапи и американскиот магионичар Дејвид Блејн, а во храмскиот комплекс беа одржани традиционални церемонии. Иако предсвадбената прослава траеше три дена, официјалната венчавка ќе се одржи дури во јули. Информациите за венчавката сè уште не се познати.

За потсетување, Анант Амбани (28) е син на Мукеш Амбани, шеф на индискиот конгломерат Reliance и најбогат човек во Индија, со нето богатство според Форбс од 114 милијарди долари.