Моментално, филмот „Barbie“ соборува рекорди на гледаност ширум светот, а публика од сите генерации доаѓа во кино за да ги гледа Марго Роби и Рајан Гослинг во улогите на куклите Барби и Кен.

Оние кои веќе го изгледаа филмот велат дека пријатната естетика на „Barbie“ е голем плус за новиот филм на режисерката Грета Гервиг. Секако, во светот на куклата Барби посебно место има нејзината куќа, која е уредена во розови нијанси.

Интересно е дека ламбите, кои се поставени на наткасните покрај креветот на Барби, се изработуваат во Словенија, односно се од дизајнерското студио „Брајак Витберг“, чие седиште е во Љубљана.

Брендот е основан во 2019 година и произведува луксузни парчиња мебел, а ламбите „Мајами“ се инспирирани од сонцето во Мајами. Изработени се од син и розов плексиглас.