ФОТО | Игор Џамбазов: Земјотресот и јас сме врсници
Омилениот актер и шоумен на многу генерации, Игор Џамбазов на својот инстаграм – профил постојано објавува фотографии од неговиот приватен живот, спомени од минатото, фотографии и пораки посветени на семејството, пријателите, колегите, но и на непријателите.
Актерот на својот инстаграм – профилот сподели стара фотографија од неговото детство, поточно од неговите први денови живот како новороденче.
View this post on Instagram
– Само што сум дошол на овој свет, со мама од болница сме се вратиле дома, а тато не можел да ми се изнарадува. Поминале точно 11 дена…и тогаш, земјата се отворила, како да сакала да не проголта. Земјотресот и јас сме врсници, стои во објавата на Игор.
Скопје денеска со повеќе активности и манифестации ќе одбележи 58 години од катастрофалниот земјотрес во 1963 година, кога се разбуди во урнатини под кои 1070 лица го загубија животот, а 3000 беа повредени.
И оваа година поради корона – пандемијата одбележувањето ќе биде според строгите мерки протоколи.