Фолк-пејачката Татјана Лазаревска имаше посебна причина за славење опкружена со семејството и најблиските, дома во Мелбурн, Австралија. Поводот овој пат беше нејзиниот 51. роденден, кој го прослави во одлична домашна атмосфера.

„Ви благодарам на сите за вашите фантастични желби за роденден, имав прекрасен ден, поминат со моето семејство и пријателите. На здравје и да славиме уште многу…“, напиша фолкерката под објавата.

Татјана веднаш сподели дел од атмосферата на социјалните мрежи. Објави неколку фотографии на Инстаграм од домашната прослава, а следбениците беа воодушевени од нејзиниот природен изглед, без шминка, но во одлично расположение и со широка насмевка.

На едно од видеата се гледа моментот кога ги дува свеќичките од роденденската торта, додека најблиските ѝ пеат. Меѓу првите што ѝ го честитаа роденденот беше нејзината мајка, што на прославата ѝ даде уште поемотивна нота.

Пејачката сподели и фотографија на која позира во елегантен црн фустан, со впечатлив црвен кармин и високи потпетици. Стајлингот ја истакна нејзината женственост и фигура, а комплиментите не престанаа да пристигнуваат. Меѓу првите што ѝ упати честитки беше и нејзината колешка Адријана Ацевска.

Само неколку дена претходно, Татјана ги изненади сите кога објави фотографија во костим за капење, испраќајќи порака дека годините навистина се само бројка кога човек се чувствува добро во својата кожа.

Очигледно е дека пејачката ужива во новото животно поглавје, а 51-та година ја започна со насмевка, љубов и позитивна енергија.