ФОТО | ФБИ го објави киднаперот на мајката на познатата водителка – се нуди награда од 50.000 долари за нови информации
ФБИ објави фотографии од маскирано лице осомничено за киднапирање на мајката на американската водителка Савана Гатри. Службениците се обидуваат да го идентификуваат лицето за кое велат дека било вооружено, по повеќе од осум дена откако 84-годишната Ненси Гатри исчезна од својот дом, пишува „Би-би-си“.
Препорачано
Савана Гатри изјави во понеделник дека нејзиното семејство верува дека нејзината мајка е сè уште жива и упати нов апел до секој што има информации.
– Од утрово, органите за спроведување на законот ги открија овие претходно недостапни нови снимки на кои се гледа вооружено лице кое се чини дека манипулирало со камерата на влезната врата од домот на Ненси Гатри тоа утро во времето на нејзиното исчезнување – рекол директорот на ФБИ, Кеш Пател.
Тој изјави дека властите работат на проверка на снимките од системот за надзор на домот кои „можеле да бидат изгубени, оштетени или недостапни поради различни фактори – вклучително и отстранувањето на уредот за снимање“.
Службениците објавија и две кратки видеа на кои се гледа како едно лице се приближува кон влезната врата од домот на Ненси Гатри, потоа ја проверува камерата, се оддалечува, собира неколку растенија од земјата и ја користи за да го покрие објективот на камерата. Лицето било маскирано со скијачка маска, облечено во јакна и панталони, со црни ракавици и ранец.
New images in the search for Nancy Guthrie:
Over the last eight days, the FBI and Pima County Sheriff’s Department have been working closely with our private sector partners to continue to recover any images or video footage from Nancy Guthrie’s home that may have been lost,… pic.twitter.com/z5WLgPtZpT
— FBI Director Kash Patel (@FBIDirectorKash) February 10, 2026
Портпаролката на Белата куќа, Каролин Ливит, изјави дека претседателот Доналд Трамп го прегледал видеото и ги повика сите што имаат какви било информации да ги контактираат властите.
„Молитвите на целата Бела куќа се со Савана и нејзиното семејство во овој момент. Се надеваме дека ова лице ќе биде пронајдено наскоро и дека нејзината мајка ќе биде вратена дома безбедно“, рече таа.
ФБИ нуди награда од 50.000 долари за какви било информации во случајот, а семејството изјави дека е подготвено да плати за нивната мајка да се врати безбедно.
Исчезна мајката на позната американска водителка, полицијата се сомнева дека е киднапирана
