Појавувањето на Хејли Бибер на годинашното издание на Мет гала е едно од најкоментираните, но кај македонските љубители на модата разбуди и едно модно сеќавање.

Златниот, скулптурално обликуван корсет од 24-каратно злато, кој е дел од креацијата на модната куќа „Сен Лоран“, многумина ги потсети на настапот на македонската пејачка Каролина Гочева на Изборот за песна на Евровизија во 2002 година, кога ја претставуваше Македонија со песната „Од нас зависи“.

Тогаш, таа носеше впечатлива креација на дизајнерот Александар Ношпал, исто така со златен корсет.

Иако изгледите не се идентични, сличноста во концептот е очигледна. Кај Бибер, линијата е почиста и поминималистичка, додека кај Гочева фустанот беше посценски и подраматичен. Но идејата е иста – телото да изгледа како скулптура.

Инспирацијата за изгледот на Бибер води директно до колекцијатa на Ив Сен Лоран од 1969 година, создадена во соработка со француската уметница и скулпторка Клод Лалан. Во таа колекција, тие изработиле скулптурални корсети преку техника на метална обработка, со што металот добивал реалистичен, речиси „жив“ изглед.

it’s kinda sad that some of the big hf accounts can’t recognize a reference from the archives

these two gowns are inspired in this Yves Saint Laurent Autumn/Winter 1969 Haute Couture 💙 https://t.co/KNJzwqcCaC pic.twitter.com/iVvDjRfecQ

— theinexpert 🔮✨ (@WonderMafe) May 4, 2026

Овие цврсти, уметнички форми биле комбинирани со лесни, прозрачни фустани, создавајќи силен контраст меѓу тежината и леснотијата, концепт што јасно се препознава и во денешниот изглед на Бибер.