Пејачката Дуа Липа и актерот Калум Тарнер официјално го започнаа свадбениот викенд во Палермо, Италија. На ексклузивното собирање присуствуваа бројни познати лица од светот на музиката и филмот, додека младенците им обезбедија на своите гости единствена атмосфера во срцето на Сицилија, пишуваат странските медиуми.

Првиот дел од прославата се одржа во историскиот Палацо Валгуарнера Ганги, каде што младенците организираа коктел за добредојде за гостите. Дуа Липа се појави во бел фустан со пердуви и отворен грб, додека Калум Тарнер избра елегантен беж костум.

Пејачката пристигна на церемонијата во бел фустан кој за неа го изработи италијанската модна куќа „Ботега Венета“. Моделот е изработен со препознатливата техника на ткаење кожа „интречато“, по која е познат брендот.

Фустанот има раскошно здолниште украсено со реси и пердуви, создавајќи импресивен изглед кој совршено одговара на гламурозната атмосфера на сицилијанска вечер. Таа го комплетираше стилот со чанта „Андиамо“ од истата модна куќа и серија впечатливи парчиња накит.

Како амбасадор на луксузната куќа за накит „Булгари“, Дуа за оваа пригода избра некои од највредните парчиња од нивната колекција.

 

View this post on Instagram

 

A post shared by GRAZIA USA (@graziausa_)

На левиот зглоб носеше часовник „Тубогас манчет“, инспириран од архивски дизајн на „Булгари“ од 1974 година. Станува збор за златен модел украсен со цитрини, рубелити, перидоти, аметисти, топази, спесарити и дијаманти, чија вредност се проценува на повеќе од 200 илјади долари.

Од другата страна носеше уште поимпресивен модел „Серпенти палини“ од розово злато. Парчето инспирирано од змија е украсено со смарагди и дијаманти со тежина од повеќе од 24 карати и се проценува дека вреди речиси 500.000 долари.

Изгледот го комплетираше со свршеничкиот прстен што ѝ го подари Калум и ланче од колекцијата „Серпенти“.

Двојката дополнително привлече внимание со одлуката целосно да ја затвори галеријата „Галерија Модерна“ во Палермо за приватниот прием. Според достапните информации, тие платиле повеќе од 11.000 долари за оваа услуга.

Меѓу гостите беа многу познати гости, вклучувајќи ја пејачката Чарли Екс-Си-Екс и нејзиниот сопруг Џорџ Даниел, тапанар на „The 1975“.

На прославата беа и музичкиот продуцент Марк Ронсон и неговата сопруга Грејс Гамер, како и британскиот актер Џо Алвин, кој е добро познат на јавноста како поранешен партнер на Тејлор Свифт.

ФОТО+ВИДЕО | Дуа Липа стана глобална амбасадорка на „Булгари“