Како што се приближува почетокот на Светското првенство во фудбал 2026, организацијата одлучи ја објави листата на песни за официјалниот албум на турнирот.

Глобалната стратегија и платформа за забава на ФИФА го откри официјалниот албум за СП во фудбал 2026 наречен Global Rhythms: The Official 2026 FIFA World Cup Album”, кој опфаќа 18 песни и е најобемниот музички проект со повеќе песни создаден за Светско првенство, пишува „Билборд“.

Албумот прикажува низа соработки кои ја одразуваат мултикултурната разновидност на уметниците и нивните соодветни жанрови. Меѓу песните се „Goals“, испеана од Лиса, Анита и Рема; „Game Time“ од Фјучр и Тајлa; „Illuminate“ од Џеси Рејез и Елијана; „Blessings“ од Стормзи, Фрајдеј и Ејнџл и „Dai Dai“ од Шакира и Бурна Бој.

Други песни кои се појавуваат се од легендарни уметници како што се „Ролинг Стоунс“ кои ја пеат „In the Stars (Remix)“ на албумот, Алехандро Фернандез со „Mi Mexico Lindo“  и Џели Рол и Карин Леон, чија песна „Lighter“ беше првата објавена од албумот.

– Официјалниот албум на Светското првенство во фудбал 2026 година вклучува уметници од различни континенти, јазици и жанрови во проект дизајниран да ги обедини фановите ширум светот преку моќта на музиката и фудбалот – рекол претседателот на ФИФА, Џани Фантино, во соопштението за медиумите.

Иако албумот ќе биде достапен за стриминг на сите платформи, фановите ќе ги доживеат многу од песните во живо за време на концертите „Countdown“ во Мексико, Торонто и Лос Анџелес, како и на церемонијата на отворање во трите земји домаќини: Мексико, САД и Канада.

Светското првенство во фудбал 2026 година започнува на 11 јуни и кулминира на 19 јули.

Не само што е првпат ФИФА да создаде толку обемна листа на песни за албум на Светското првенство, туку за првпат во историјата ќе има и шоу на полувреме на финалниот натпревар. Шакира, БТС и Мадона ќе настапат за време на настанот што се одржува на стадионот „МетЛајф“ во Њу Џерси.

Погледнете ја официјалната листа на песни од албумот на Светското првенство во фудбал 2026 година подолу.

„Goals“ – Лиа, Анита и Рема
„Game Time” – Фјучр и Тајла
„Illuminate” – Џеси Рејез и Елијана
„Echo“ – Деди Јенки и Шенси
„Por Ella“ – Лос Анџелес Азулес и Белинда
„Three Nations“ – „21 Савиџ“, Ната Кано и Френч Монтана
„No Place Like Home“ – Мејџор Лејзер, Нели Фуртадо и Давидо
„In the Stars (Remix)“ – „Ролинг Стоунс“
„Show Me“ – Ајра Стар и Лато
„Mi Mexico Lindo“ – Алехандро Фернандез
„Blessings“ – Стормзи, Фрајдеј и Ангел
„Energy“ – Ава Макс и БИА
„Lighter“ – Џели Рол и Карин Леон
„Siir Siir“ – Нора Фатехи, Вегедрим и Санџој
„Partidazo“ – Дени Оушн
„Champion“ – Ај-Шоуспид
„Love Always Wins“ – Шеги, Цимафунк и Зема
„Dai Dai“ – Шакира и Бурна Бој