Сагата околу потпишувањето на договорот со Ал-Наср заврши, а Марсело Брозовиќ ќе биде нов играч на саудискиот вицешампион.

Хрватскиот репрезентативец е фотографиран во хотелот Шангри Ла во Париз, каде треба да се сретне со претставници на Ал-Наср и официјално да потпише тригодишен договор вреден 100 милиони евра. Со тоа Брозовиќ ќе стане најплатениот хрватски фудбалер во историјата.

Целата приказна ја потврди и Фабрицио Романо кој потврди дека Интер ќе добие 18 милиони евра надомест. Потписот допрва треба да го договорат правните тимови, заедно со менаџерот, пред Брозовиќ да стане член на еден од најбогатите клубови на денешницата и соиграч на Кристијано Роналдо.

Ова е крајот на сагата која траеше неколку дена околу договорот меѓу Брозовиќ и Ал-Наср. Застојот настана кога саудискиот клуб ја намали првичната понуда за купување на Марсело од 23 милиони евра на само 13 милиони плус бонуси, на што Интер не се согласи. Сега двете страни конечно го постигнаа посакуваниот договор.

Така, Брозовиќ ќе му се придружи на петкратниот освојувач на „Златната топка“ Кристијано Роналдо во атакот по титулата во саудиската про-лига, која му избега на Ал-Наср минатата сезона.

#عاجل | صورة خاصة بـ "الرياضية" ألتقطت قبل قليل للاعب الكرواتي مارسيلو #بروزوفيتش أثناء دخوله فندق شانجريلا باريس للقاء مسؤولي نادي #النصر من أجل استكمال إجراءات انتقاله رسميا والمتوقع إتمامها الليلة بعقد يمتد 3 أعوام.

(من: @bandar_52) pic.twitter.com/z2oyxZC5wd

— الرياضية – عاجل (@ariyadhiah_br) July 1, 2023

More on Marcelo Brozović deal. Fee will be €18m, medical tests completed on Friday with Al Nassr as expected. 🟡🔵 #AlNassr

Documents being checked now with lawyers on both clubs and player side, then time to sign three-year deal for Brozović to Al Nassr.

Here we go confirmed. pic.twitter.com/MecV7wuYQK

— Fabrizio Romano (@FabrizioRomano) July 1, 2023