ФОТО: Браќата Њокас во новата сезона ќе бидат дел од Вардар 1961

Оливие Њокас вкупно пет години беше дел од францускиот клуб Нант/Фото: EPA-EFE/GEORGI LICOVSKI

Оливие и Кевин Њокас ќе ги бранат боите на Вардар 1961 во новата натпреварувачка сезона, воедно двајцата играчи се веќе регистрирани од клубот за настап во Лигата на шампионите.

Браќата близнаци кои доаѓаат од Франција имаат по 35 години, Кевин Њокас настапува на позицијата десен бек, а Оливие како лев бек.

Сега се зголемува и конкуренцијата на овие позиции, на лев бек се и Филип Талески, Хрватот Анте Кудуз и уште еден Французин Бакари Диало, а на десен бек Томислав Јагуриновски, Кубанецот Јоел Моралес и Шпанецот Едуардо Гурбиндо, иако за овој последниот се шпекулира дека е можно да го напушти двократниот европски шампион.

Браќата Њокас, кои досега беа дел од РК Металург, го потврдија својот трансфер во Вардар 1961 преку социјалните мрежи и со нетрпение ги очекуваат новите предизвици.

Француските браќа близнаци Њокас со нетрпение ги очекуваат новите предизвици/Фото: Принтскрин/nyokas_twins instagram

Исто така и на официјалната веб страница на Европската ракометна федерација (ЕХФ) стојат имињата на двајцата ракометари во редовите на „црвено-црните“ регистрирани за настап во ЛШ.

Оливие и Кевин Њокас веќе регистрирани во ЕХФ за настап во ЛШ/Фото: Принтскрин/ehfcl.eurohandball.com

Потсетување дека екипата предводена од тренерот Веселин Вујовиќ својот прв меч во ЛШ во новата сезона ќе го има в среда (15 септември) во Норвешка против Елверум со почеток од 18.45 часот во рамките од групата „А“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот