ФОТО: Ајакс на преубав начин го најави натпреварот во ЛШ против Наполи и Елмас
Ајакс денеска од 21.00 часот ќе го пречека Наполи на македонскиот репрезентативец Елиф Елмас во третото коло од групата „А“ од Лигата на шампионите. По две кола во групата „А“ води Наполи со шест бодови, по три имаат Ливерпул и Ајакс, а без бодови на дното е Ренџерс.
Холандскиот фудбалски клуб на социјалните мрежи на еден емотивен начин го најавија овој натпревар од елитното европско клупско натпреварување.
Во објавата им оддаде почит на починатите великани Јохан Кројф и Диего Марадона, легендите на двата клубови. Тие се прикажани како седат облечени во дресови на тросед качен на облак и го гледаат натпреварот од ЛШ што треба да започне.
Холанѓанецот Кројф како играч ги имаше најголемите успеси во кариерата со Ајакс, осумпати беше шампион на Холандија, а трипати беше првак на Европа, тогашниот Европски Куп (сега ЛШ) во 1971, 1972 и 1973 година.
Марадона со „наполитанците“ двапати ја освои Серија А, последната титула во шампионатот клубот ја има токму со Аргентинецот во 1990 година. Со екипата по еднаш ги освои и Купот и Суперкупот на Италија, како и тогашниот Куп на УЕФА (сега Лига Европа) во 1989 година.