Фонте: Португалија тимски игра подобро без Роналдо на Светското првенство

Кристијано Роналдо е најголемата португалска фудбалска ѕвезда/фото: EPA-EFE/JOSE COELHO

Кристијано Роналдо е мета на многу критики, а последната дојде од 38-годишниот Жозе Фонте, кој не си го најде своето место на списокот на патници за Светското првенство во Катар.

Португалската репрезентација се пласираше меѓу осумте најдобри на Мундијалот, а четвртфиналето ќе го игра в сабота (10 декември) против Мароко од 16.00 часот.

Роналдо мечот против Швајцарија го започна од клупата за резервни играчи, а додека неговиот тим постигна шест гола, и веднаш почнаа приказните дека Португалците играат подобро без него.

На тоа му се придружи и Фонте, 38-годишниот играч на Лил кој не беше вклучен во тимот на Фернандо Сантош за патувањето во Катар.

– Португалија има квалитет да го прави тоа на секој натпревар, но ние мора да бидеме искрени. Само неговото присуство на теренот прави репрезентацијата несвесно и автоматски да игра за него и секогаш да му ја дава топката. Кога тој не е на теренот, Португалија игра повеќе како тим и тоа се покажа против Швајцарија. Играа течно, фокусирано, сите придонесоа и беше убаво да се види. Фернандо Сантош донесе многу силен менталитет на репрезентацијата – рече Фонте.

Видео на денот