Флик: Важно е да се слави титулата во шпанскиот Суперкуп
Фудбалерите на Барселона на спектакуларен начин го совладаа Реал Мадрид со 5:2 во Џеда и го освоија шпанскиот Суперкуп.
Препорачано
Тренерот на каталонскиот клуб, Хансик Флик со коментар по освоениот пехар:
– Одличен натпревар за нас. Многу сум среќен бидејќи одигравме многу добро. Планот што го поставивме беше испочитуван и во второто полувреме, и со играч помалку. Важно е да ја славиме оваа титула, да бидеме свесни што освоивме, но мора да бидеме подготвени за следните натпреварувања – рече Флик.
Иако се чини нереално по пет гола против актуелниот европски и шпански шампион, Флик верува дека тимот може да игра уште подобро.
– Мораме да учиме од секој натпревар. Можеме подобро, имаме млад тим. Не игравме добро неколку недели. Ситуацијата во лигата не е добра, но за тоа веќе разговаравме во соблекувалната. Ние сме Барса и имаме должност да напредуваме – се зборовите на германскиот тренер.
