ФК Барселона со соопштение: Ќе соработуваме со полицијата!
Фудбалскиот клуб Барселона објави соопштение во кое се потврдува дека полициските сили извршиле претрес во просториите на „Камп Ноу“ во денешните утрински часови.
Ударна вест беше пристигнувањето на полицијата на „Камп Ноу“ и апсењето на поранешните функционери на каталонскиот клуб, вклучувајќи го и поранешниот претседател Жосеп Марија Бартомеу.
Клубот после тоа се огласи со официјално соопштение:
– По пристигнувањето на полициските сили на Камп Ноу, по наредба на судот што се занимава со случајот на договорни услуги на социјалните мрежи, Барселона понуди соработка на полицијата и судските органи со цел да се разјаснат фактите што се предмет на оваа истрага.
Информациите и документацијата што ги бара полицијата се строго ограничени на фактите релевантни за овој случај.
Барселона ги почитува тековните правни постапки и принципот на презумпција на невиност на луѓето кои се најдоа во процесот – соопштуваат од ФК Барселона.
Потсетуваме, полициската акција е поврзана со аферата „Барсагејт“. Истрагата е покрената затоа што се сомнева дека Бартомеу им плаќал на компаниите да им го нарушат угледот на одредени сегашни и поранешни фудбалери на клубот на социјалните мрежи.
Уапсен поранешниот претседател на Барселона, Жозеп Марија Бартомеу