Уапсен поранешниот претседател на Барселона, Хосеп Марија Бартомеу
Шпанската полиција денеска влезе во стадионот на Барселона како дел од операцијата за пребарување и заплена.
Според „Ел Паис“, уапсени се поранешниот претседател Хосеп Марија Бартомеу, директорот Оскар Грау, шефот на правната служба Роман Гомес Понти и претседателскиот советник Хауме Масферер. Шпанските медиуми објавија дека операцијата е поврзана со аферата „Барсагејт“.
Бартомеу наводно им платил на компаниите за да им го уништат угледот на некои поединци на социјалните мрежи. Конректно, Бартомеу ѝ платил на компанијата „13ВЕНТУРС“ шест пати повеќе од пазарната вредност.
Со цел истовремено дискредитирање на легендите како Лео Меси, Жерар Пике, Чави, Гвардиола, Иниеста…
Каталонскиот клуб одлучно ја демантираше приказната дека Бартомеу се занимавал со ваква деловна активност, како и дека не ангажирал ниту платил никого да се вклучи во негативна кампања на интернет против никого..
Поради таа афера, полицијата веќе изврши претрес во просториите на „Камп Ноу“ во јуни, а сега тие повторно се вратија. Бартомеу и неговиот одбор на директори минатата година поднесоа оставки поради полемиката околу Лионел Меси.
Тогашните челници на клубот ангажираа компанија чија цел беше да го подобрат имиџот на клубот во јавноста, а таа компанија создаде неколку лажни сметки на социјалните мрежи кои ги клеветеа играчите, како и членовите на опозицијата во управата на Барселона.