Во српскиот Парламент денес владее исклучително напната атмосфера, откако пред зградата избувна пожар, а потоа се слушнаа истрели. Според сведоштва на пратеници за Нова.рс., едно лице било рането, а друго приведено, додека седницата продолжила без прекин.

ФОТО + ВИДЕО | Пукање и пожар во „Ќациленд“ во Белград, еден ранет, друг уапсен

Пратеничката од Зелено-левичарскиот фронт, Билјана Ѓорѓевиќ, изјави дека ситуацијата во и околу парламентот останува хаотична.

„Бевме во салата за гласање кога колега од групата СРЦЕ рече дека нешто гори. Истрчавме пред зградата, но обезбедувањето ни рече само да ги поместиме автомобилите. На почетокот не сфативме колку е сериозно, но потоа се слушнаа истрели и дознавме дека има ранет човек“, изјави Ѓорѓевиќ.

Gori Ćacilend.
Obezbeđenje Skupštine nas upozorava da se sklonimo, jer kažu da
IMA MUNICIJE!!! pic.twitter.com/FRO5gCwtkk

— Dušan Nikezić (@dusannikezic) October 22, 2025

Вашиот „Ќациленд“ гори, но гласањето мора да продолжи

И покрај хаосот, потпретседателката на парламентот Марина Рагуш не ја прекинала седницата ниту за момент.

-Им рековме дека нивниот „Ќациленд“ гори и дека има ранети, но тие продолжија да гласаат како ништо да не се случува – изјави Ѓорѓевиќ за Нова.рс.

Пратеникот на Српското народно движење, Ненад Милојичиќ, потврди дека по пожарот се слушнале истрели и дека полицијата реагирала вознемирено.

„Го извадија оружјето, а подоцна дознавме дека е ранет постар човек во шатор. Неколку возила пред парламентот беа оштетени од рикошети. Во еден момент навистина беше страшно“, изјави Милојичиќ.

Филмски сцени пред парламентот

Пратеничката на ССП, Јелена Милошевиќ, опиша сцени кои, според неа, изгледале „како од филм“.

„Полиција има насекаде, пожарникари гаснат, чадот сè уште се крева. Видовме човек приведен, кој лежеше на подот опкружен со полиција. А во исто време, владата продолжува да гласа. Потпретседателката Марина Рагуш не трепна“, рече Милошевиќ за Нова рс“.