Фил Колинс ја продолжува војната со поранешната сопруга: Таа решила да му ги продаде музичките награди
Британската поп ѕвезда Фил Колинс (69) повторно е во проблеми со поранешната сопруга Оријана Севи (46), чиј последен удар прилично го здоболел. Откако на суд успеа да ја отсели од 40 милиони долари вредната вила во Мајами која таа ја окупираше и во која се насели со својот трет сопруг, музичарот Томас Бејтс, таа сега му се одмазди со објавувањето на продажбата на неговите музички награди.
Потегот на швајцарската претприемачка, со која тој има два сина, го шокираше седумкратниот добитник на Греми наградите, поради тоа што во 2008 година, кога се разделија по девет години брак, тој и исплати 46 милиони долари отпремнина, со што нивниот развод стана еден од најскапите во британската забавна индустрија.
Но, на неа очигледно и се потребни уште пари бидејќи на онлајн аукциската компанија „Kodner Galleries“ ги продава и своите торби од марката Шанел, брендираната облека, неколку часовници Ролекс, дијамант од 10,35 карати за 600.000 до 800.000 долари, од кои 10 проценти ќе ги даде во добротворната организација „Never Give Up Foundation”.
„Таа се преселува во помал дом и само се ослободува од облеката, накитот и работите кои повеќе не и се потребни. Таа има 5000 пара чевли и не може сите да ги понесе со неа“, објасни нејзиниот претставник за односи со јавноста.