Меѓународниот синдикат на професионални фудбалери (ФИФПро) ги советуваше играчите да не потпишуваат договори со клубови од седум земји кои не ги исполнуваат своите обврски.

на „црна листа“ на ФИФПро се наоѓаат Алжир, Кина, Грција (Втора лига), Либија, Романија, Саудиска Арабија и Турција, а причината за предупредувањето е системското и масовно кршење на договорите во тие земји.

Во Романија и во Турција најчести забелешки се дека клубовите во овие две земју не ги почитуваат обврските кога станува збор за исплата на платите.

Втората лига на Грција е ризична бидејќи клубовите често згаснуваат и притоа не ги исплаќаат своите играчи.

Неплаќањето е проблем и во Алжир, Кина, Саудиска Арабија, додека во Либија фудбалерите се соочуваат со проблеми со документацијата.

Имено, фудбалерите што играат во клубовите од оваа африканска земја често остануваат заглавени во истата и не можат да заминат бидејќи нивните клубови одбиваат да ја достават соодветната документација.