Македонскиот кошаркарски клуб Работнички го претрпе и вториот пораз во ФИБА Еврокупот на квалификацискиот турнир во Скопје, откако во СРЦ „Кале“ загуби и од Сабах со 81:83.

Иако во текот на втората четвртина тимот на Димитар Мираковски имаше и позитива од „плус 16“ разлика (33:17), играчите на нашиот тренер Боби Митев направија целосен пресврт за победа.

Трајс со 29 поени беше најефикасниот играч на Работнички, Џелетовиќ застана на 19, исто толку имаше и Де Коуси во поразот кој означи и крај на надежите на клубот дека може да се бори за првата позиција.

За неа ќе се борат Сабах (Азербејџан) и Рапид Букурешт (Романија), кои до сега запишаа по две победи.

В среда е слободен ден на турнирот, а во последното коло ривал на македонскиот претставник в четврток од 20.30 часот ќе игра против холандскиот Донар од Гронинген.