Италијанскиот производител на слатки зад Фереро Роше е во завршна фаза на договор за купување на ВК Келог во вредност од околу 3 милијарди долари, објави Вол стрит журнал, повикувајќи се на луѓе запознаени со ова прашање.

Акциите на ВК Келог, компанијата зад Фрут Лупс и Фростид Флејкс, пораснаа за околу 51% по веста. Фереро би можел да го финализира договорот уште оваа недела, се вели во извештајот. Компаниите не одговорија веднаш на барањата на Ројтерс за коментар.

Вк Келог беше формирана откако Келог го одвои својот бизнис со житарки во Северна Америка во посебна, јавно тргувана компанија пред околу две години.

Преостанатиот глобален бизнис за грицки се вика Келанова.

Во јуни, аквизицијата на Келанова од страна на сопственикот на Сникерс, Maрс, за 36 милијарди долари доби одобрение од антимонополските власти во САД. И Вк Келог и Keланова се борат со ниска побарувачка поради предизвикувачките пазарни услови, пренесува „СЕЕ.биз.еу“.