Ферари се предаде, до 2022 година нема да има болид за титула
Претседателот на Ферари, Џон Елкан изјави дека неговиот тим нема да биде конкурентен во наредните две сезони.
Иако Елкан признава дека Формула 1 тимот многу заостанува зад конкурентот Мерцедес, тој има целосна доверба во првиот човек на екипата, Матија Биното.
Ферари и оваа сезона ја започна многу лошо, двајцата возачи Себастијан Фетел и Шарл Леклер се далеку од фаворитите за триумф и се чини така и ќе остане во наредниот период.
– Денеска ги поставуваме темелите на тоа да станеме компетитивни и да се вратиме на победувањето кога ќе се сменат правилата во 2022 година. Убеден сум дека ќе се вратиме на победите. Биното има карактеристики и способности за да покрене нов победнички циклус – изјави Елкан за „Газета дело Спорт“.
Елкан напоменува дека треба да се верува во Биното бидејќи тој беше дел од тимот на Ферари од 2000-тите години кога доминираа на Ф1 преку Михаел Шумахер.
– Пред нас е долг пат. Кога Жан Тод го започна историскиот циклус од пет титули по ред во 2000-тите, таму дојдовме по пост од повеќе од 20 години. Ни беше потребно време за Ферари да се врати на победичките патеки. Затоа сега ќе работиме чекор по чекор и ќе го вратиме Ферари на позицијата која му припаѓа, на врвот – додава Елкан.
Тимот од Маранело оваа година ја започна со болид кој е за повеќе од една секунда поспор по круг од доминантните Мерцедеси кои победија на сите три трки.