Фатмир Скендер и Татјана Васиќ Бозаџиева избрани за нови уставни судии
Фатмир Скендер и Татјана Васиќ Бозаџиева со 64 гласа „за“ и 30 гласа според Бадентеровиот приинцип на гласање се избрани за нови уставни судии.
Претходно координаторот на пратеничката група на ВМРО-ДПМНЕ Никола Мицевски рече дека пратеничката група нема да присутствува во пленарната сала за изборот на новите уставни судии, бидејќи е направен преседан односно до Собранието за гласање се испратени двајца од тројца предлози за уставни судии.
– Жалам што успеавте и Уставниот суд да го направите партиска институција и изборот да го сведете на начин на кој што ќе го направите сега. ВМРО-ДПМНЕ и Коалицијата ќе ја напушти седницата и нема да присуствиува на овој срамен чин за државата -рече Мицевски.
За предлогот јавниот обвинител Љубомир Јовески да стане нов уставен судија се уште не е завршена расправата во Комисијата за избори и именувања.
Уставниот суд повеќе од една година работи во нецелосен состав. Од предвидените девет члена, на четворица им е истечен мандатот.