Регионалниот фестивал на кратки музички филмови „Muzzik Video Awards“ ги објави победниците во 17 категории на натпреварот.

„Muzzik Video Awards“ е регионален фестивал на краток музички филм, во кој учествуваат најдобрите регионални видеа, уметници и автори во различни музички жанрови.

Гласањето во конкуренција за„Muzzik Video Awards“ заврши на почетокот на годината и сега се познати победниците. Веќе традиционално има седумнаесет категории и во секоја од нив по десет финалисти, а со сумирање на гласовите на публиката и гласовите на професионалците во таканаречените еснафски категории се добиваат победниците, меѓу кои се најде и нашиот македонски бенд „Фанк шуи“.

Тие се победници во категоријата за монтажа, постпродукција и специјални ефекти за видеоспотот за песната „Магла“, работен со FRIED TV.

„Фанк шуи“ со возбуда го најавуваат нивниот следен самостоен концерт во Скопје, на 26 април, на новата сцена на Културнo-едукативниот центар „Лабораториум“.