Бразилскиот фудбалер од средниот ред Фабињо (29) го напушти Ливерпул и кариерата ќе ја продолжи во Ал-Итихад, објави саудискиот шампион.

Фабињо последните пет години ги помина во дресот „црвените“, а со Ал-Итихад потпиша тригодишен договор. Финансиските детали не беа објавени, но британските медиуми објавија дека надоместот изнесува околу 45 милиони евра.

Бразилецот во клубот од Џеда ќе им се придружи на освојувачот на „Златната топка“ Карим Бензема и поранешниот играч од средниот ред на Челси, Н’Голо Канте.

Репрезентативецот на Бразил има 219 настапи за Ливерпул од неговото доаѓање во 2018 година, помагајќи му на тимот да ги освои титулите во Премиер лигата, Лигата на шампионите, ФА Купот, Лига Купот и Суперкупот на УЕФА.

Во текот на кариерата играше и за Монако, Реал Мадрид, Рио Аве и Флуминенсе.

Welcome Fabinho 🐅 pic.twitter.com/JFaG2xdZts

— Ittihad Club (@ittihad_en) July 31, 2023