Ф1: Пол позицијата за сензационалниот Строл, дебакл на Мерцедес
Возачот на Рејсинг Поинт, Ленс Строл дојде до првата пол позиција во кариерата откако беше сензационален победник во квалификациите пред утрешната трка за Големата награда на Турција.
Строл извозе неверојатно на дождливата патека во Истанбук во последните моменти од третите квалификации и сосема заслужено ја освои пол позицијата.
Возачот на Ред Бул, Макс Ферстапен, кој доминираше во првите две квалификациски сесии и на крајот заврши на второто место, додека Серхио Перез го имаше третото најдобро време.
Изненадувачки потфрлија возачите на Мерцедес, Луис Хамилтон и Валтери Ботас кои на утрешната трка ќе стартуваат од шестата односно деветтата позиција и за прв пат сезонава, по 13. трки нема да има ниту еден болид на Мерцедес на пол позицијата.
Квалификациите во Истанбул ги одбележа дождот и на влажната патека најдобро се снајдоа возачите кои највеќе ризикуваа.
Иако до последната минута од квалификациите изгледаше дека никој не може да го загрози Ферстапен, вистинско изненадување направија возачите на Рејсинг Поинт. Прво Перез имаше најбрзо време, но веднаш потоа Строл го подобри, а Ферстапен имаше шанса во последните секунди да дојде до пол позицијата но неговиот круг беше за 0.3 секунди поспор од тој на Строл.