Европските производители на соларни панели бараат помош, магацините крцкаат од залихи
Европските производители на соларни панели побараа од Европската унија итни мерки за помош за да се зачува производството наспроти евтиниот кинески увоз, се вели во писмото што го видел Ројтерс, објави СЕЕ.биз.еу.
Група европски производители на соларни панели најавија затворање на погоните, наведувајќи го бранот увоз и прекумерната понуда на делови што се натрупаа во европските магацини, принудувајќи ги да ги намалат цените.
Швајцарскиот „Мајер Бургер“ планира да ја затвори својата фабрика загубар во Германија доколку не ја добие ветената помош од владата. Во писмото до претседателката на ЕК, Урсула фон дер Лајен, здружението EСМЦ предупреди дека европските производствени капацитети може да се намалат повеќе од преполовен во рок од неколку недели, доколку ЕУ итно не им помогне.
Тие бараат и измена на регулативите за државна помош и посилна владина поддршка за домашните производители.
Ако не може да ги спроведе овие мерки на краток рок, ЕУ треба да разгледа и „заштитни“ механизми, како што се царини и квоти, кои би го ограничиле увозот, сугерира здружението. Европа брзо се свртува кон соларната енергија и минатата година инсталираше рекордни 56 ГВ нов капацитет за производство на соларна енергија.