Евролигата ни прави услуга: Швед нема да игра против Македонија
Руската кошаркарска репрезентација во првите две кола од квалификациите за ЕП 2021 против Италија и Македонија нема да може да смета на сите играчи кои настапуваат за евролигашите ЦСКА, Химки и Зенит.
Кошаркарската репрезентација на Македонија на стартот на квалификациите за Евробаскет 2021 ги започнува на 20 февруари во Скопје кога ќе ја нагости Естонија.
Во второто коло, три дена подоцна „црвено-жолтите“ во Перм и гостуваат на силната Русија која ќе биде ослабена со неиграњето на најдобриот кошаркар, Алексеј Швед. Причината не е повреда туку административната војна помеѓу Евролигата и ФИБА.
Евролигата не ги почитува термините за одигрување на репрезентативни настапи и има закажано натпревари токму на денот кога се игра првото коло во квалификациите.
Така Химки чиј член е Швед, на 20 февруари игра против Милано во Евролигата, и иако нема да има проблем да настапи против Македонија, тој сепак нема да биде повикан за првите две кола од квалификациите.
Покрај Швед, селекторот Базаревич за натпреварите против Италија и Македонија, нема да може да смета ниту на Вјачеслав Зајцев од Химки и на Дмитри Хвостов од Зенит.
На местото на тројцата кошаркари од евролигашките екипи се повикани Иван Стребков, Павел Антипов и Антон Астапкович од Нижњи Новгород.
Список на повикани кошаркари на Русија:
БЕКОВИ: Евгениј Бабурин, Максим Григорјев, Денис Захаров, Дмитри Кулагин, Михаил Кулагин, Григориј Мотовилов, Андреј Сопин, Виталиј Фридзон, Иван Стребков
КРИЛА: Семен Антонов, Никита Балашов, Евгениј Валиев, Андреј Воронцевич, Андреј Зубков, Станислав Иљницки, Сергеј Карашев, Никита Михајловски, Владислав Трушкин, Павел Антипов, Антон Астапкович
ЦЕНТРИ: Џоел Боломбој, Артем Забелин, Владимир Ивљев, Артем Клименко