Кошаркарите на Макаби Тел Авив од Израел ќе мора да ги пречекаат Анадолу Ефес и Фенербахче во Белград, објави Евролигата.

Макаби ги играше сите натпревари од Евролигата како домаќин во Белград, Србија, две години поради војната во Појасот Газа, но во декември доби дозвола да се врати во Тел Авив.

Сепак, поради препораките на локалните власти и безбедносните проценки, „гордоста на Израел“ повторно ќе се врати на арената „Александар Николиќ“.

– Натпреварот од 33 коло на Евролигата помеѓу Макаби и Фенербахче ќе се игра во вторник, 24 март во Белград“, се вели во првата информација.

– Натпреварот од 35 коло помеѓу Макаби и Ефес ќе се игра во Белград во четврток, 2 април, наместо во среда, 1 април, како што беше првично планирано“, се вели во соопштението на Евролигата.

Моментно на евролигашката табела Макаби Тел Авив е на 13 позиција со учинок 14-15 после 29 одиграни кола.