18.8 C
Скопје

Евро 2020 I Група А: Како да се победи Италија

Турција, Италија, Велс и Швајцарија се наоѓаат во групата А на Европското првенство, а натпреварите ќе се играат во Рим и во Баку.

Евро 2020 ќе биде отворено токму со натпреварот од групата А помеѓу Италија и Турција кој ќе се игра на „Олимпико“ во Рим.
Најзвучо име во групата е Италија која е четирикратен светски шампион но има и европска титула од 1968 година. „Аѕурите“ пласманот на Евро 2020 го обезбедија на доминантен начин, победија на сите десет натпревари во квалификациите и заедно со Белгија се единствени со максимален учинок во квалификацискиот циклус.

Очекувано, Италија е голем фаворит за освојување на првото место во групата, но навивачите имаат поголеми апетити, а тоа е титулата. Дополнителен притисок на Италијанците им создава податокот дека во групната фаза натпреварите ќе игра пред своите гледачи.
Костурот на репрезентацијата го сочинуваат фудбалери кои играат во Серија А, но тука е „странците“ како Верати и Кин од ПСЖ како и Емерсон и Жоргињо од Челси.
На голот се очекува да биде Џанлуиџи Донарума, додека со одбраната ќе командува двоецот од Јувентус, Леонардо Бонучи и Џорџо Кјелини. Во средниот ред главниот збор ќе го имаат Николо Барела и Марко Верати, а за давање голови ќе бидат задолжени Лоренцо Инсиње и Чиро Имобиле.


Селекцијата на Швајцарија на минатото ЕП беше елиминирана во осинафиналето и тоа им е најдобар пласман на континенталните собири. На Евро 2020 доаѓаат како првопласирани во конкуренција со Данска и Ирска.
На голот се очекува да биде Јан Зомер, со одбраната ќе командува Мануел Аканџи, а во средниот ред главниот збор ќе го имаат Џердан Шаќири и Гранит Џака, додека главен напаѓач ќе биде Харис Сеферовиќ. Првиот натпревар на Евро 2020, Швајцарија ќе го игра на 12 јуни против Велс во Баку.

Најголема енигма во оваа група е Велс кој пред пет години дебитираше на Европските првенства и веднаш дојдоа до полуфиналето. На ова ЕП доаѓаат како второпласирани во својата група веднаш зад Хрватска. Најголемата промена во тимот на Велс е на клупата, селекторот Рајан Гигс нема да ја предводи репрезентацијата поради обвинението за нанесување на тешки повреди на неговата девојка и сестра. На негово место дојде Роб Пејџ.
Најголемата опасност за противниците ќе претставуваат најголемите ѕвезди на репрезентацијата, Герет Бејл и Арон Ремзи .


Селекцијата на Турција е најлошо рангирана на ФИФА листата, но според прикажаните игри во последниот период, тие се далеку од аутсајдери. Најдобриот пласман на ЕП на Турција е полуфиналето од 2008 година, додека на последното ЕП не ја поминаа групата.
Селектор на Турција е Шенол Ѓунеш кој имаше големи успеси со Бешикташ на клупски план. Тој форсира напаѓачки фудбал а доказ за тоа се квалификациите за СП 2022 каде Турција со 4:2 ја совлада Холандија, а со 3:0 славеше над Норвешка.
Турските фанови највеќе очекуваат од фудбалерот на Милан, Хакан Чалханоглу како и од играчите на новиот француски шампион Зеки Чекик, Јусуф Јазики и Бурак Јилмаз.

Поврзани вести

Падобранецот на „Гринпис“едвај спасил жива глава, снајперисти го имале на нишан

Слободен печат

Ламело Бол е дебитант на годината во НБА

Слободен печат

Навивачка љубов: „Фалангата“ и украинските фанови заедно во Букурешт

Слободен печат

ВИДЕО: Италија ја суреди Швајцарија и се пласира во осминафиналето

Слободен печат

ФОТО: Јокиќ се врати во родниот Сомбор и веднаш седна во едносед

Слободен печат

Срамно, масовно се бришат видеата на кои Ѓоковиќ му го подарува рекетот на момчето од трибините

Слободен печат

Остави Коментар