Еуфорија во Фиренца: Навивачите го пречекаа Рибери! (ВИДЕО) – Слободен печат
СпортФудбал

Еуфорија во Фиренца: Навивачите го пречекаа Рибери! (ВИДЕО)

Како што се најавуваше во италијанските медиуми, тоа и се потврди, Франк Рибери ја продолжува кариерата во редовите на Фиорентина.

Францускиот интернационалец Рибери откри дека бил убеден од Лука Тони за ваквиот трансфер и му рекол дека Фиорентина е одличен клуб во еден убав град.

Беше пречекан од голем број на навивачи на калчолигашот од Фиренца, 36-годишниот со свој приватен авион слета заедно со неговата сопруга Вахиба.

– Среќен сум, тука сум со моето семејство. Зборував со Фиорентина во текот на минатата седмица, како и со Тони кој ми рече дека станува збор за одличен клуб во еден убав град – рече Рибери.

Лука Тони (42) е инаку легенда на Фиорентина, фантастичен стрелец од 55 голови во 94 натпревари.

Се очекува Французинот да потпише договор на две години со „виолетовите“, а в четврток ќе биде официјално промовиран.

Рибери од 2007 година досега беше дел од Баерн со 273 одиграни мечеви и 86 погодоци.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close