Калиопи со емотивна објава на социјалните мрежи одбележа три години од важен момент во нејзиниот живот.

Станува збор за песната „Знам“, која остави силен впечаток кај публиката и стана симбол на љубовта за многумина.

Во својата објава, Калиопи сподели дека токму оваа композиција најпрво ја допрела неа и нејзиниот близок пријател Жељко Самарџиќ, а потоа и пошироката публика.

„Три години од ‘Знам’, песната на Ромео Грил што прво нè импресионираше мене и мојот драг пријател Жељко Самарџиќ, а потоа и вас, драги мои… Нека живее љубовта!“, напиша таа за дуетот со Жељко.

Фановите во коментарите потсетија дека „Знам“ и денес буди силни чувства и спомени.

Песната, потпишана од авторот Ромео Грил, со текот на времето се позиционираше како една од највпечатливите љубовни балади во поновата регионална музичка продукција, а интерпретацијата на Калиопи и Самарџиќ ѝ даде дополнителна тежина и значење.

Жељко беше гостин на концертот на Калиопи, кој во октомври 2024 година се одржа во арената „Борис Трајковски“ во Скопје, и заедно ја испејаа токму оваа песна.

„Дуетот го доживувам како интимен чин, па затоа не можам да го делам со кој било. Исто како и во љубовта – не се дели перницата со секој! Жељко беше изборот и пред да се роди ‘Знам’. Ние двајцата посакавме песна од маестро Грил, а тој нашата желба ја преточи во реалност“, изјави Калиопи во интервју за „Слободен печат“.

ФОТО | Калиопи приреди магичен концерт: „Филхармонијата вечерва е наш храм на љубовта, каде го славиме животот“