Емир Кустурица опериран, пред операцијата раскажа што доживеал
Познатиот српски режисер Емир Кустурица денеска е опериран во Институтот за ортопедија во Бањица, откако ја скршил ногата на Мокра Гора.
Кустурица беше хоспитализиран во средата по скршеницата, а пред операцијата откри дека се чувствува добро и дека повредата настанала бидејќи се лизнал на скалите пред локално кафуле.
– По авиони, хеликоптери, камиони, стотици илјади километри, 950 концерти и сѐ што ми се случило во животот, нема ништо пологично да не се случи несреќа на важно и значајно место, отколку на обични скали. Иронијата на животот е што на последното скалило од приодот кон кафулето ‘Проклета авлија’ на Мокра Гора, се лизгам и десниот зглоб оди 180 степени. Лелекав од болка – објаснил Кустурица и додал дека не чувствува силни болки и верува дека по операцијата полека ќе им се врати на секојдневните обврски и активности.