Ел Шарави на местото на Ѕаниоло во италијанската репрезентација
Селекторот на Италија, Лучијано Спалети го повика Стефан Ел Шарави од Рома, откако Николо Ѕаниоло беше принуден да се повлече од тимот.
Напаѓачот на Астон Вила беше вмешан во брзорастечкиот скандал со обложување во Серија А во четвртокот и беше испрашуван од полицијата заедно со Сандро Тонали од Њукасл По објавувањето на вестите, двојката беше испратена дома од тренинг кампот, отстранувајќи ги од тимот.
Играчот од средниот ред на Јувентус, Николо Фаџоли беше првиот што беше вмешан во истрагата и тој ја призна вмешаноста кога вчера разговараше со обвинителите во Торино, доброволно предавајќи го својот мобилен телефон.
Скандалот со обложување во Серија А е во рана фаза и денешните извештаи сугерираат дека се вмешани уште најмалку 10 играчи.
Нов скандал во Јувентус, фудбалер се соочува со тригодишна забрана поради обложување?!
Како што беше објавено денеска, Ел Шарави сега е повикан да го замени Заниоло во тимот на Спалети за Италија. „Аѕурите“ се подготвуваат да се соочат со Малта во сабота навечер и со Англија на 17 октомври во двата натпревари од квалификациите за Евро 2024 година.
Талентот од Торино, Самуеле Ричи, исто така се приклучи на тимот на Спалети, кој беше повикан да го замени Тонали.