Експертите откриваат: Седум раси на кучиња кои најтешко се дресираат
Колку и да се слатки, овие раси се малку попредизвикувачки кога станува збор за дресирање. Покрај посветената љубов и обезбедувањето на основните потреби на вашето куче, дресирањето е исто така многу важно. Во некои случаи, особено кај најтешките кучиња за дресирање, процесот бара малку повеќе трпение и доследност, пишува „Ридерс Дајџест“.
Бигл
Биглите се одлични семејни кучиња, па дури и се сметаат за едно од најдобрите кучиња за деца. Сепак, овие ловечки кучиња имаат многу силен фокус на мирисите околу нив и силна генетска склоност да следат патеки со мирисот на плен. Со тоа, тие се сметаат за едни од најтешките кучиња за дресирање.
Сибирска хаска
Сибирската хаска била одгледаувана да размислува самостојно, што може да ги направи помалку одговорни на традиционалните методи на дресирање. Работите да бидат уште полоши, ова куче за влечење санки е склоно кон многу лаење, копање и бегство, кога не е соодветно дресирано.
Маламут
Слично на хаски, маламутите се раса на кучиња одгледување за студено време, позната по нивното високо чувство на независност. Тие не се многу мотивирани од храна и играчки од нивните сопственици. Згора на ова, маламутите имаат многу голем нагон на фаќање плен и ќе тргнат по мачки, кокошки и други мали кучиња. Важно е да се контролира ова однесување на кучето, дури и ако е тешко да се направи тоа.
Џек Расел териер
Џек Расел териерите се мали, моќни кучиња, кои биле одгледувани за да се користат во лов на лисици. Тие имаат многу голема желба за фаќање на плен, што ги прави едни од најтешките кучиња за дресирање. Тие бараат многу вежбање и соодветни места за дресура. Тие сакаат да учат и да играат игри, но може лесно да се досадуваат, што доведува до деструктивно однесување.
Златна пудлица
Сите варијанти на расата пудлица се неверојатно симпатични кучиња со кадрави влакна, кои секогаш се популарни во домовите со млади семејства. Постои заблуда дека овие кучиња се лесни за дресирање, преголемото размножување придонесе тие да бидат поанксиозни и плашливи од другите раси.
Австралиски овчар
Прекрасниот австралиски овчар е навистина паметно куче, кое ќе ве натера да мислите дека ќе биде лесно да се дресира. Сепак, оваа раса можеби е премногу паметна и за свое добро. Овие паметни кучиња имаат тенденција многу брзо да се досадуваат и честопати можат да ги поместат вашите граници на толеранција. Дури во некои ситуации можеби едноставно ќе ве надмудрат.
Бордер коли
Бордер коли се исклучително лојална раса со високо ниво на енергија, кои се познати по чување на овци на огромни растојанија низ Шкотска и Англија. Тие се и исклучително паметни и ја имаат заслужено титулата, куче со највисок коефициент на интелигенција. Поради нивната атлетска природа, овие кучиња природно бараат повеќе активности за да ги задоволоат нивните потреби. Ако не им се дозволи да ја истрошат енергијата, тие може да се однесуваат деструктивно.