Елена Митева, поранешена водителка на емисии во Телма и Сител, е новата советничка на премиерот Зоран Заев за медиуми. Митева е  меѓу десетте нови советници на премиерот, а на функцијата е од пред неколку дена. Претходно хонорарно беше ангажирана за модерирање и организирање на настани.

Последниот телевизиски ангажман на Елена Митева беше на Телма, како дел од четворката водители на утринската програма на Телма, а од таа екипа и нејзиот колега Гоце Андреевски од неодамна е назначен за портпарол на Министерството за внатрешни работи.

Елена Митева по вокација е професор по биологија но, пред десетина години влезе во водителските води и оттогаш постојано е присутна во медиумите во најразлични телевизиски формати.