Европската комисија се согласи во рамките на Советот на министри на 15 октомври да разговара за заедничката барање на Романија, Бугарија и Грција за функционален енергетски пазар, изјави романскиот министер за енергетика Себастијан Бурдуја на брифинг по владиниот состанок, објавија Агерпрес и БТА.

„Беше прифатено барањето на Романија до ЕК, кое е заедничко барање со Бугарија и Грција, да се разговара на Советот на министри во Луксембург на 15 октомври“, истакна Бурдуја. Тој презентираше графикони, според кои на 11 јули Романија платила 190 евра за мегават час, Франција – 78 евра, Шпанија – 86 евра, Чешка – 100 евра, Австрија – 75 евра и Унгарија – 264 евра. На 2 септември во регионот беа регистрирани највисоки цени во Енергетската унија, односно 234 евра за MВч во Романија и многу слични цени во Бугарија, Грција и Унгарија, додека цената во Франција беше 104 евра, на Пиринејскиот Полуостров – 116 евра, во Германија – 115 евра, истакна министерот.

Бурдуја објасни дека тоа се должи на фактот што земјите како Австрија и Словачка не ги исполниле своите обврски да се реализираат меѓусебните врски со соседните земји, а со тоа и евтината енергија произведена во Западна Европа, не може да стигне до земјите од Источна Европа. Министерот потсети дека врз основа на студија што операторите на електропреносните системи во Романија, Грција и Бугарија ја направија со сложени анализи, ќе побара одредени мерки.