ЕХФ: Металург и Еурофарм Пелистер во петок ќе ги дознаат ривалите!
Беше најавено дека денеска македонските претставници ќе ги дознаат противниците во групната фаза на Лига Европа, но најновите информации велат дека тоа ќе се случи во петок (2 октомври).
Причина за одложувањето е позитивниот тест на ковид-19 кај еден член од техничкиот персонал на ЕХФ задолжен за спроведување на разните протоколи.
Бидејќи тоа повлече и изолација на сите кои беа во контакт со заболениот, а за кратко време беше невозможно да се најдат нови лица, Европската ракометна федерација одлучи дека утре со почеток од 11.00 часот ќе се одржи извлекувањето на групите.
Шеширите за утрешната ждрепка (петок, 2 октомври 2020 год.)
Шешир 1: Адемар Леон (Шпанија), Ним (Франција), Магдебург (Германија) и Татабања (Унгарија)
Шешир 2: Висла Плоцк (Полска), Динамо Букурешт (Романија), Кадетен Шафхаузен (Швајцарија) и Алингсас (Шведска)
Шешир 3: Еурофарм Пелистер (Македонија), Чеховски Медведи (Русија), Татран Прешов (Словачка) и Бешикташ (Турција)
Шешир 4: Феникс Тулуз (Франција), Монпеље (Франција), Фуксе Берлин (Германија) и Рајн-Некар Левен (Германија)
Шешир 5: Аон Фиверс (Австрија), Нексе (Хрватска), ГОГ (Данска) и Спортинг Лисабон (Португалија)
Шешир 6: Металург (Македонија), Тримо Требиње (Словенија), Кристијанштад (Шведска) и ЦСКА (Русија)
Натпреварите во групната фаза ќе почнат на 20 октомври 2020 година, а најдобрите четири екипи од секоја група ќе се пласираат во осминафиналето. Ждребот во живо можете да го гледате на официјалниот Јутјуб канал на ЕХФ