Фудбалската репрезентација на Англија би можела да отпатува на Мундијалот без својата најголема ѕвезда. Џуд Белингам, асот на Реал Мадрид, во моментов е надвор од терените поради повреда, но се чини дека тоа не е единствениот проблем.

Британските медиуми пренесуваат дека селекторот Томас Тухел сериозно размислува да се откаже од услугите на одличниот играч од средниот ред. Причините наводно се честите повреди, но и променливата форма во изминатиот период.

Германскиот стратег веќе јавно порача дека на Светското првенство ќе патуваат само фудбалери кои се сто отсто подготвени и целосно фокусирани на задачата.

Односот меѓу Тухел и Белингам дополнително се влошил по натпреварот меѓу Англија и Албанија, кога младиот играч негодувал поради замената. Селекторот тогаш јасно му ставил до знаење дека во тимот не му се потребни фудбалери кои незадоволството го покажуваат со гестикулации и негодување на теренот.

Реал Мадрид ја потврди повредата на Белингам, познато колку ќе паузира