На 8 март 2026 година во Ниш, Србија се одржа меѓународниот џудо турнир „Трофејот на Ниш“, во организација на Џудо клубот Академија Ивезиќ од Ниш.

На турнирот настапија вкупно 472 натпреварувачи од 63 клуба, што придонесе за многу силна и квалитетна конкуренција.

Македонскиот џудо клуб Сеишин Прилеп настапи со пет натпреварувачи, со бронзени медали се закитија Дила Пупаловиќ и Теодора Илиоска.

Останатите натпреварувачи Марко Марковски, Тамара Илиоска и Матеја Николоска, иако не успеаја да изборат место на пиедесталот, покажаа одлични борби и достојно го претставија клубот.

Ова е продолжување на успесите на ЏК Сеишин оваа година на меѓународната сцена, претходно во јануари во Пирот, Србија, освои пет медали, а во февруари четири медали на турнирот во Аминдео, Грција.